MIZO LOVE LETTER LUNGRUN BER

«To,

»Duhtak, »             

       Leilung mawina thlir changin hmaih theih hauhloin lungrukah ai ang i cham fo thina, i kianga riah rûn rem ve hun ngahkin tlai ni hi ka hmang ral leh thin. Ih maw duhtak, "lenna tlang dang hian Hmangaihna par kan tlán dun hi tivuai lul suh se aw", ti a kan tiam lai khan, ti em2 hian nang ngaia suihlunglen hi ka lo tuar ang tih ka ring phaklo mai a ni lo, ka lo hre chang reng reng lo zawk a lo ni.»» 

Hmangaihna hla sangtaka min rêm pui lai ngeia min 'Bass' san leh mai hi zawng,  suihlungmawl kei ariangfa hian tuar thiam dan ka zawng thei mawlh lo va, lunglen vanga famta thangzawra ai hian ka zawr zawk ta ve ang ka ti hial mai a nih hi. 

Keh thei dawma ka dawm thin lutuk vang zawk che nge ni a, ka tana i hlutzia ka lantir hi hmuthiam lovin i hmuhhmaih zawk? Hringnun tawite 'chhum reilote lo langa ral leh mai thin'  iang ka nunah hian nang nena Hmangaihna par tlan dun hi ka duhsam ber a la ni fo vanga ; itel ve lohna ka khawvel hi e, khuang a vuakfung tel lo ang mai hi ka ni awm mange ka ti. 

Kawlvalenchham lam hruta sirtiang min sawn san ta hi, he thinlung khawhar tak hian 'i pamlua mange',tiin kawlrawnna tlaini herliam thlirin i lenna lam tlangte hi, chhingmit hian a zei ralh ralh thin a ni. »»Nangang tawn leh aichuan thlafam lam tluang hruta hawilopar thliah ka nuam asin, achhan chu engdang vang mah a ni lo e ,nang i nih loh chuan he thinlung, itan chauha serh hran hian 'nangmah ang' lek zawng apawm thiang tawh  lo mai zawk a ni.»»

Duhtak, atawpna atan chuan e, I rohsan lungruk ruak kawltu hian i tel lo hringnun hman hi 'ka theiloa ka dam zo lo ang' ka tilo; ka zuam lo mai zawk a ni.»»Nghilh lo tur che,»Ariangfa_Chhakchhuak.

NGHET TAKIN

*A VAR CHU VAR SE, A DUM CHU DUM BAWK SE*💪💪


Mizo te hi,tan lam leh duhsakna lam záwng chu pe na ve thei tak kan ni hlawm theuh mai.

Eng ilo intihsiakna a awma , entirna'n Mizo Idol , Youth Icon(Youth kher an thlang pawhin ka hre law, Pa leh Nuthlawite a thleng sang ber ber an ni tlat) , Miss Mizoram,sorkar hna,a...NLUP sem chungchang leh chumi chunglam pawh chu a ni mahna.

He'ng-ah ringawtah pawh hian kan Chhungte emaw kan hmelhriatte emaw , Contestant zingah an lo awm ve a, anthiam emaw thiamlo emaw pawh thlu lovin induhsakna avangin kan hmelhriatte  leh Social Media-a kan Group awmna zawng zawngte hnenah Vote kan zawnga; Thenkhat chuan kan Vote phah ta hial thin nghe nghe a nih kha!

Mahse, duhsakna avang leh hmelhriat Tanpuina avanga asang ber han thlen ringawt chuan rei a daih thei mawlh lo va, an nun kawng siáma hmalam pan zel turin anghaihna an hre zui ta lo fo thin , an lâwmmân dawn/khûm aia hniamah an awm ta hial thin anih hi!

Chuvangin,
Chhungte an ni emaw, hmelhriatte an ni emaw,Kohhran in-ang kan nih vang emaw, kan thlahtute an lo intanpui thin vang emaw, kan pi leh pu te'n nilum an lo âi dun thìn vang  emaw, engvang pawh chu lo nise, athiam ber leh tling ber zawnna a nih miau avangin ,  athiamlo leh tlinglo zawk na nà nà  chu  i Vote lovin, i thlang lo zawk ngam ang u. Tin, Midangte hnenah pawh i fak chiam chiam lo ngam  bawk ang u khai.👍💪_📝_Ariangfa_Chhakchhuak🌷